Димаева Лиза

Автор Димаева Лиза

• Зазадоккху-бутт 17, 2015

  Жима ши бер а эцна, Шема яхана нохчо

  33 шо долчу нохчийн зудчунна дуьхьал бехк-такхаман гIуллакх гIаттийна деношкахь ХIолландин полицино. Иза бехкейо шен ши бер, дега а ца хоттуш, лачкъийна шеца цхьаьна Шемарчу тIемаш лаьттачу Ракка гIала дIадигарна.

• Зазадоккху-бутт 04, 2015

  Соьлж-ГIалахь нах шаьш-шайна беха, ткъа театр - ша-шена

  Ши театр ю Нохчийчохь, аьлча а, цуьнан коьртачу шахьарахь Соьлж-ГIалахь. ХIиттадо цара кеп-кепара, нохчийн а, оьрсийн а, кхечу къаьмнийн а авторша кхоьллина васташ а. Амма вуно кIезиг бу театрашка лела бахархой. ХIунда?

• Зазадоккху-бутт 03, 2015

  Мича хьолехь ю нохчийн литература?

  Дуьненаюкъара Яздархойн Де ду шинара. ПохIманчаш, къаьмнашна синан кхача латтабе интеллигенци къобалъеш, диллина иза рузмане Цхьанакхеттачу Къаьмнийн организацино. ХIун хьолехь ю тахана нохчийн литература, мел мехала ву халкъалахь яздархо? Хаттарна жоп ло Алиева Заринас а, Минкаилов Эльбруса а.

• Чиллан-бутт 24, 2015

  Стенна буху вовшахкхетта а бовлале нохчийн къона доьзалш?

  Оьрсийчохь, статисташа бахарехь, хIора вовшахкхетачу итт доьзалх кхоъ-биъ дIасакъаьста. Ткъа Нохчийчуьрчу Iедало махкара и терахь дуккха а лахара гойту. Кхоллабеллачу иттанах ца буху цхьаъ-шиъ бен боху официало. Амма бахархоша далочу масалшка ладоьгIча, хаъал лакхара ду бухучу доьзалийн терахьаш.

• Чиллан-бутт 23, 2015

  Дицдойла дац къомо лайна къематде

  15- 20 шо хьалха шайгахь юьсуш хилла бакъонаш а яц тахана нохчийн карахь. Уггаре а лазамечух ду вайнах махках бахар Iедало хьахо а дихкина хилар. Делахь а, даккхалур дац я Кремле а, я цуьнан Нохчийчуьрчу Администрацига а адамийн коьртера шаьш, шайн дай-наноша Юккъерачу Азехь депортацехь лайнарг.

• Чиллан-бутт 20, 2015

  БIаьрзечийн арз: «Са ца гурш тхо дац – шу ду!»

  Хьераяьлла йоьду прогресс, хуьлу бес-бесара хийцамаш. Ши бIаьрг, ши ког берг ларво дахаран аьрхачу боларца. ...Ткъа хIун до когаш боцчо я ши бIаьрг боцчо? Иза а ма ду, шен дуьнене хьежар а долуш, кхетамчохь адам, цуьнан ойла вай ян а йиний? Ткъа Нохчийчохь-м ву 3100 бIаьрса доцу вахархо....

• Чиллан-бутт 20, 2015

  Къоман тезетах Оьрсийчоьно ловзар дар ца лало нохчашка

  Чиллан-беттан 23-гIа де - вайнах Сталина махках бохор - нохчашка дицдайта ницкъ кхочур бац я Кремлан а, я Кадыров Рамзанан а. Амма муьтIахьаллин кеп ца лелийлийча-м ца бовлу тахана Нохчийчоьнан бахархой...

• Чиллан-бутт 17, 2015

  Нохчийн Страдивари веха Керлачу Энганахь

  ТIемаша лечу кхачийна нохчийн нехан шира корматаллаш: истангаш, кузаш, чоанаш, маьIсеш яр, дуккха а кхийолу дайша, наноша кхаьбна говзаллаш. Дечиг-пондарш деш гоьваьлла ву махкахь Базаев Хьасан.

• Чиллан-бутт 16, 2015

  Къоман иэс оьрсийн Турслочун дийнах хийцича…

  Вайнах депортацера юхабаьхкичхьана дуьйна, Чиллан-беттан 23-гIа де бохамца а дузуш, билгалдоккхура Нохчийчохь. Амма масех шо ду оцу дийнахь Сталина нохчашна дина таIзар хьахор а дитина, Iедало Оьрсийчоьнан Турслочун де санна дазде. Оцу къастамца бахархойн мел реза бу теллира Маршо Радионо.

• Дечкен-бутт 24, 2015

  ...Иштта хила веза-кх нохчийн лор

  Лоьраша тахана нахера ахча-хуьсгаш йоху бохуш балхабо. Амма валхавойла дац оцу хьокъехь Соьлж-ГIаларчу туберкулезан диспансеран коьрта лор-м – Сайдуллаев Iаьрби-Хьаьжа, я цуьнан белхахой...

• Дечкен-бутт 21, 2015

  Школашна "комиссараш" ца оьшу - оьшу таронаш

  Даима яппарш хеза баккхийчаьргара, «оха доьшучу хенахь», «тхо кегий долуш», «тхан заманахь», бохуш. ХIетахь дерриг хилла кхечу кепехь, кхечу низамийн гурашкахь. Ткъа тахана гучу суьртехь дешарна херделла бераш. Цхьаболучара бехкейо интернет, телефонаш, вукхара телевизор.

• Дечкен-бутт 20, 2015

  Уггаре "ирсечу" махка къоьлла юссуш лаьтта

  Малхбалено тоьхна санкцеш шайн дахарехь ца хаалуш ца висина Оьрсийчохь стагга а. Муха го санкцийн ларш Нохчийчохь? а. Кремл мел и хьал къайладахьа гIертарх а гуш ду къоьлла юйла бахархойн доьзалшка юссуш.

• Дечкен-бутт 20, 2015

  ХIинцца дина бер нехашла дIакхоьссина нанас

  Нохчашлахь наггахь бен хьалха заманашкахь нисдала ца торург. Доьзалехь а доцуш ша дина бер, эхь къайла хьош, нехаш юхкучу дIакхоьссина Соьлж-ГIалахь цхьана цхьана зудчо. Карийна и зуда. Карийна берана а, шен цIийх яцахь а керла нана а.

• Дечкен-бутт 15, 2015

  Нохчийн мотт денбан кхоьллинчу тобанехь

  Нохчийн мотт денбан комисси ю кхоьллина Нохчийчохь. Кестта цо бовзуьйтур бу ша бина болх.

• Дечкен-бутт 06, 2015

  Къаьркъа дайдина а, шена сий лоьху Путина

  Экономикан кризис чIагIлучу муьрехь къаьркъан мах байбан лерина ю Кремл. ХIун ду и дIакхайкхинчу Путин Владимира цунна бухадиллина? Мацалла яржарна богучу нохчаша диканна ца туьду дарана, духаран, дерриг а дахаран мах базлучу муьрехь, малар дайдар.

• ГIуран-бутт 16, 2014

  Дайлуш лаьттачу соьмех бовлуш бу хьолахой

  Сом дайдаларе гIайгIанебаьхначу Оьрсийчоьнан бахархойн кеп-кепара бу гIайгIанаш. Къехой богу мацалла тIехIоттарна. Хьолахой кхоьру шайгара таронаш хадарна. Къехошна, инфляци тергал а еш, Iан бен ца дуьсу. Хьолахоша еза йийбар, машенаш, хIусамаш оьцу шайн довш лаьттачу ахчанах...

• ГIуран-бутт 12, 2014

  Адамашна даймохк а къахьбина Кремло

  Оьрсийчоьнан бахархой, шайн Даймохк а буьтуш, тулгIенашкахь дIаоьху кху ткъеха шера чохь Малхбале а, Малхбузе а. Дуьххьара тулгIе дахначу бIешеран чаккхенна кхочуш хиллехь, шолгIа туьлгIе гIаьттира кху керлачу бIешеран юьххьехь. ХIинца рогIера тулгIе а гIаьттина бохуш, орцадоху статисташа.

• ГIуран-бутт 10, 2014

  Орлов Олег: Кадыров а санна, нехан цIенош дагорна бехке ву Путин а

  Соьлж-ГIалахь иккхина тIом а берзале, Нохчийчоьнан Iедалан дайша, шаьш тийсинчу кхерамашка хьаьжжина, дагийна, дагош а ду нехан цIенош. Иза низамехь йоцу харцо ю, дас воIах жоп ло заманаш дIаевлла, бохуш, орцанаш доху Оьрсийчохь гоьбевллачу бакъоларъярхоша.

• Лахьан-бутт 28, 2014

  Путин вазвар Оьрсийчохь лахлуш хилар гойту Левада-центро бинчу талламаша

  Луларчу мехкашна гIелоеш схьайогIучу Кремле шен амал йитийтархьама Малхбалено айинчу санкцеша хийца тарло Оьрсийчоьнан бахархойн шайн пачхьалкхан хотIе болу хьажам. Хьалха президент Путин а, цуьнан го а базбеш къамелаш дийраш доккхах дакъа хиллехь, хIинца керчаш ю ойла. Цунах тоьшалла до, кест-кеста халкъан дог-ойла зуьйш, хеттамаш беш схьайогIучу социологин Левада-центро.

• Лахьан-бутт 04, 2014

  Порошенко: "Донбассехь хилларш харжамаш бац - фарс ю"

  Донбассо а, Луганско а дIабаьхьначу харжамашна шаьш резацахилар хоуьйту Украинан а, Евробертан а лидерша. Оцу хьокъехь президента Порошенко Петрос гуламе кхайкхира Украинан кхерамзаллин кхеташо. Донбассан цхьаццайолчу кIошташна кхаа баттана елла маршо юхаэца дагахь ву Порошенко.

Хьажа кхин дIа а